COPPOS-HAITI ET ALLIES
Coalition des Partis Politiques et des Organisations Socio-Politiques et Alliés
Chanje Leta, Chanje Lavi !
COPPOS-HAITI ET ALLIÉS rassemble les partis politiques, organisations socio-politiques autour d'une vision qui tourne sur 5 grands axes de developpement: Justice - Economie - Santé - Education - Agriculture.
COPPOS-HAÏTI ET ALLIES.
COPPOS-HAÏTI ET ALLIES vise à mobiliser vingt-et-un mille (21 000) membres dans chaque commune, dont sept (7) clubs de famille de Cent quarante (140) personnes par partis politiques en raison d’un (1) club de famille de vingt (20) membres par dirigeant du Bureau Communal (BC) à multiplier par les 150 partis politiques faisant partie intégrante de la coalition de COPPOS-Haïti et alliés ; Ce qui donne un total de Trois million cent cinquante mille (3150 000) membres sur le plan national. Chaque club doit avoir un leader jouant les rôles de gestionnaire et formateur. Ces activités se dérouleront dans les sections communales, couvrant les principales zones électorales de la commune.
KISA COPPOS-HAITI ET ALLIES A YE?
Se yon estrikti politik ki pote non Coalition des partis politiques et des organisations socio- politiques (COPPOS-HAITIETALLIES) ki pran nesans jou kite 7avril 2017. Se plizyè pati politik ki melanje epi plizyè òganizasyon sosyopolitik ki wè nesesite pou yo makònen tèt yo ansanm pou kreye yon estrikti politik fò, byen madre politikman epi ideyolojikman kap sèvi zouti pou klas dominan yo ansanm ak mas popilè yo pou rive pote flanbo libète-egalite-fratènite a nan kat kwen peyi a alawonnbadè. COPPOS-HAITI ET ALLIES se yon estrikti CENTRISTE ki anbrase lide travayis. Sèl fason pou vini manm, fòk ou reprezante yon estrikti kise : yon pati politik oubyen yon òganizasyon sosyopolitik.
1.2.-POUKISA NOU KREYE COPPOS-HAITI ET ALLIES ?
Lè'n gade tout estrikti politik epi òganizasyon sosyopolitik sa yo ap reflechi ansanm, diskite sou pwoblematik peyi an kap vin pi mangonmen chak jou. Lè'n gade kouman yon bann ak yon pakèt pil pati politikkap fonksyonse grenn pa grenn simen konfizsyon nan lavi politik peyi a, sa ki lakòz souvan eleksyon yo gen tandans mal dewoule. Lè'n gade tout batay nou rive mennen pou pote yon amelyorasyson san kondisyon nan lavi pèp ayisyen an pa janm rive pote yon rezilta tout bon vre. Lè'n konsidere nesesite ki genyen pou tout sak sanble rasanble, nou konstate ke li ta bon anpil pou gen plizyè gran kouran politik ki reyini tout pati politik sa yo. Lè'n gade peyi a ap degengole fizikman ak sosyalman depi byen lontan sa ki lakoz pèp ayisyen an, sitou sa ki pi pòv yo ap monte yon maswife jounen jodi a. Lè'n pran konsyans batay pou chanje eskanp figi peyi a epi angajel sou chimen devlopman se zafè pa nou menm ayisyen natif natal ki klè sou idantite nou ak santiman apatenans nou. Lè'n konsidere pa gen kolaborasyon ant Leta ayisyen an epi popilasyon an. Nou pran inisyativ mete sou pye estrikti politik sa ki se Coalition des partis politiques et des organisations socio-politiques (COPPOS-HAITI ET ALLIES). Estrikti politik sa genyen kòm objektif prensipal pran pouvwa a pou Chanje Leta, Chanje Lavi pèp ayisyen.
1.3 - MEN KIJAN COPPOS-HAITI ET ALLIÉS WÈ LETA.
Nan vizyon COPPOS-HAITI ET ALLIES : Chanje Leta, Chanje Lavi, se tout yon sistèm kap devlope, epi tout yon filozofi kap alimante sistèm sa. Leta pou nou se yon gwo moso nan òganizasyon sosyete a, kap mennen bak peyi a sou baz yon kantite prensip epi règleman. Se yon group responsab ki pou aplike epi fè aplike tout règleman lejislasyon an kap pèmèt peyi a epi tout sosyete a evolye sou pant yon amelyorasyon manch long ; pou peyi a vin pi kòdyòm, pou popilasyon an vin pi konfòtab chak jou pi plis. Nan sans sa Leta a se yon antite ki gen pou responsabilite, pote lavi, òganize lavi, amelyore lavi, kontwole lavi, ankadre lavi pèp ayisyen an. An jeneral Leta a se yon ògàn ki pou makònen ak tout rès sosyete a.Se nan zantray sosyete a li sòti,se nan modèl sosyete a li dwe kanpe,se sou abitid yo, mès ak koutim sosyete a pou l’ chita, pou l’ bay bon jan rezilta... Nan sans sa COPPOS-HAITI ET ALLIES kwè ke nou tout se Leta. Tout moun kap viv sou bout tè Ayiti a kòm natif natal antre otomatikman nan konstitisyon Leta a. Ki donk deblozay Leta a se deblozay tout sosyete a, pèfòmans Leta a se pèfòmans tout sosyete a. Pa dwe gen twou vid nan relasyon ant moun ki reprezante Leta a ak rès sosyete a.
1.4 - KI AVANTAJ BON RAPO LETA A AK SOSYETE A.
Tout sosyete kap dewoule sou dezakò ant Leta ak rès popilasyon l’se yon sosyete kapplonje nan ravin chak jou pi plis. Se sèl lyen òganik ant Leta a ak sitwayen yo ki ka garanti lavi miyò pou tout moun. Se kondisyon sa yo kap bay san mank kokenn chenn atou sosyal yo rele konsyans nasyonal la kap fè nou dekouvri tankou : 1. Lanmou youn pou lòt 2. Fratènite 3. Espri pataj 4. Espri kolaborasyon 5. Lanmou poul avi 6. Espri patriyòt 7. Espri nasyonalis 8. Espri pwogresis
1.5 - LA VI A KA BEL.
Se konsepsyon filozofik sa a, kap flanbe nan kò tout manm estrikti sa ki se Coalition des partis politiques et des organisations socio-politiques (COPPOS HAITI ET ALLIES) ki bay tèt li kòm estrateji : 1-Travay pou rezoud divizyon kap dechire sosyete a pak an pak la. 2-Travay pou tout sektè nan peyi a rive mache kòt a kòt. 3-Defann ak tout fòs enterè politik,sosyal,elatriye tout pèp ayisyen an. 4-Planifye jan sa dwe ye devlopman peyi a sou tout fòm. 5-Kolabore ak tout sektè kle nan peyi a pou n’rejwenn dwa granmoun nou. 6-Travay pou yon lòt sosyete tou nèf ki reponn a bezwen peyi a,nan tout sans. 7-Travay pou sòti peyi a nan tèt chaje ekonomik lap viv la. 8- Pèmèt tout ayisyen gen meyè kondisyon pou yo viv. 9-Travay pou chak sitwayen ka aprann konnen dwa ak devwa yo.
Guide de Formation de COPPOS-HAITI ET ALLIÉS
Consultez les documents officiels des différentes communes.